رژێمی کۆماری ئیسلامی وەک رژێمیکی جینایەتکارو سەرکوتگر به سەركوتی خوێناوی هەر
رۆژەی خۆی، لەسەر بەستێن و جوغرافیای نائامادەبوونی شۆڕشگێڕان و بزووتنەوەی سۆسیالیستی و كرێكاری و هوروەها نەبوون و بزربوونی حزبێکی كۆمۆنیستی سەر به چینی كرێكار هاته میدان و شکلی گرت. ئەوان لەبڵاوكردنەوەی تەوەهوم و خەیاڵاتدا شارەزابوون و بە بڵاوكردنەوەی كۆمەڵێك واتای وەك “یەكگرتوویی” و درووشمی ” مەرگ و نەمان بۆ شەیتانی گەورە” و … هەروەها راكێشانی هێزە كۆنەپەرەستە ناسیۆنالیستەكان، هێزە ئاینییەكان و چەند بەشێك لە گرووپە چەپەكان و چەند تاقمێكی كۆمۆنیزمی میللی و وردەبورژوا لە ژێر ناو و درووشمی خەبات لەدژی ئیمپریالیزم راپەڕین و شۆڕشیان بەرەورووی شكست كردەوە و بە یارمەتی و هاوپشتی زلهێزە رۆژئاواییەكان لەسەر كورسی دەسەڵات دانیشتن.
حكومەتی سەرمایەداری ئیسلامی لە ساڵی 1357 ەوە تا ئێستا بە سەركوت و داپڵۆسینی بەردەوام، بە شەلاق، زیندان، سەنگسار، لەسێدارەدان، سەپاندنی کەژ و هەوایەکی تۆقێنەرو مەترسیدارو مەرگی به شێنه یی بەسەر ژیانی چەندین ملوێن بنەماڵەی كرێكاری، بە پاشاندنی ئەسید و تێزاب ، بە تیرۆری نەیاران و بەرهەڵستكارانی سیاسی لە ناوخۆ و دەرەوەی وڵات، بە كوشتاری بە كۆمەڵ لە دەیەكانی شەست و بە دەستبردن بۆ مەزنترین و قێزەونترین تاوانی دژە مرۆیی لە مێژووی ئێران و جیهان و هەروەها گه ڵاله نەبوونی ئەڵترناتیڤ و بەدیلێكی شۆڕشگێڕانە و نەبوونی حزب و رێكخراوێکی تایبەت بە چینی كرێكار و خەڵكی ئازادیخواز، حزب و رێكخراوێك كە پشت ئەستوور بە ئارمانج و سیاسەتی سۆسیالیستی و خەباتكارانە بێ، درێژەی بە بوون و مانەوەی خۆی دەدا.
ئەگەر خەباتێكی بەردەوام و ملیتانتی رێكخراو بوونی هەبووایە و كۆمەڵگا خاوەندارییەتی لە حیزبیکی كۆمۆنیست و جدی و جەماوەری و شۆڕشگێڕ بكردایە، رژێمێكی لەمشێوە نەیدەتوانی تا به ئەمڕۆ لە دەسەڵاتدا بمێنێتەوە. لە لێكدانەوەی ئەم مێژووەدا ئاماژەكردن بە تاكە هۆكارێكی وەك سەركوت و ملهوڕی رژێم ناتەواوە و ئەو هۆكارە تەنیا لایەنێكی مەسەلەكەیە. هاوشان لەگەڵ پشتیوانی و هاوڕێیەتی ئەو سەردەمەی هێزە مەزهەبی و نەتەوەییەكان لە كۆماری ئیسلامی، ئۆپۆزیسیۆنی چەپ و كۆمۆنیستیش لە ئاستی جیاجیادا تووشی ناچالاكبوون و ڵادان و سیاسه تی نادروست و جیا لە چەند نموونەی بچووك، زۆربەی هێزەكان رۆڵێكی پێشەنگی كۆمۆنیستی و كرێكاری و شۆڕشگێڕانەیان ڵه گۆرپانی خەباتی سیاسی ئەو سەردەم دا نەگێڕاوە.
ئێمە وەك به شێک ڵه چینی كرێكار، وەك بزاڤی ژنان و وەك گەنجانی شۆڕشگێڕ و بزوتنەوەی سۆسیالیستی و كۆمۆنیستی ئەركی سەرشانمانه كە سیستەمی سەرمایەداری دەسەڵاتدار و یاسا دژە مرۆییەكانی ئەم سیستەمی کۆنه پەرەست و ڕزیوو بۆگەنی ئایینی و رەگەزپەرەستانەی بخەینە ناو زبڵدانی مێژووه و كۆمەڵگا بەره و كۆمەڵگەیەكی ئازاد و یەكسان وشیاوی ئینسانی و هەروەها خۆشگوزەران و بەختەوەر بەرین .ئەم ئەركە گرنگە پێویستی بە دووركەوتنەوە و كۆتایهێنان بە سیاسەت و داب و نه ریتی کۆنی سیستەمی خەباتی چەپی ئێستا و تێپەڕبوون لە سیاسەتی چاوەڕوانی و خێراتركردنی رەوتی روخاندنی رژێمی ئیسلامی لە رێگەی شۆڕشگێڕانەوەیە. ئەم بزووتنەوەی ئێمه پێویستی بە رەخنەی بەردەوامی سیاسەتە پۆپۆلیستییەكانی چەپ و بانگەوازی سەرجەم تۆێژه کانی ناو کۆمەڵگایه بە مەبەستی یەكگرتوویی و رێكخراوبوون و هەروەها دەستبردن بۆ پراتیكی شۆڕشگێڕانە و گەڕانەوە بۆ كۆمۆنیزمی شۆڕشگێڕانەی ماركس و رێكخستن و عەمەڵی کردنی ئەم خەباته شۆڕشگێڕانە و كرێكارییە. هاتنە کایەی حزبی سۆسیالیستی چینی كرێكار كە بەشدار بێ لە ململانێی چینایەتی و پێداگری لەسەر بەهێزكردن و پەرەپێدانی خەباتی یەكگرتووانەی كرێكاران و ژنان و گەنجان لە ئێران و ناوچەكە ، پێوێستێکی حاشا هه لنگری بزووتنەوەكەمانە.
كۆتاییهێنان بە تەمەنی پڕ له نگریسی وه ها رژێمێکی هار و درنده و چینی باڵادەست لەسەردەستی ” حزبی پڕوپاگەندە”، ” حزب مافی مرۆڤ”، حزبی معلم”، “حیزبی بژی جه ماوه ر”، ” حزبی شۆڕشی ئیسنانی”، حزبی شوێنكەوتوو و پۆپۆلیست، حزبی دەرەوەی وڵات و هیوابەستن بە كێشمەكێش و ململانێی ناو باڵەكانی رژێم بە ئاڵای نەتەوەیی و ناسیۆنالیستی بەسەرەنجام ناگا. دەبێ حزبی ئێمە حزبێک بێت لەدژی ئەم سیاسەتانە خۆی پێناسە بكا و تەسلیمی دۆخی ئێستا نەبێت و بۆ گۆڕینی بارودۆخی هه نوکه و زاڵ به سەرکۆمەڵگا و بەدەستهێنانی دەسەڵاتی سیاسی بە شێوەی میلیتانت و ماكسیمالیست هەوڵ بدا. ئێمە بۆ پڕكردنەوەی ئەم بۆشاییە راستەقینەیه بۆ بونیادنان و دامەزراندنی حزبێكی سیاسی و سۆسیالیستی و شۆڕشگێڕ ، بانگه وازی سەرجەم کرێکاران و ئازدیخوازان دەکەین. ئێمه لەوبڕوایەداین كە دەبێ ئەم رژێمە لە رێگەی ڕق و تووڕەیی شۆڕشگێڕانە بروخێنیندرێ و وڵامدانەوە بەم پێداویستییە مێژووییە بە دامەزراندن و بونیادنانی حزبێكی سیاسی، سۆسیالیستی، كرێكاری و ملیتانتەوە گرێ دراوە، واتە ئەو حزبەی كە ئێمە بەنیازین بونیادی بنێین.
كۆمەڵگەی ئێران، چینی كرێكار و بزووتنەوەی ئازادیخواز و یەكسانیخواز پێویستی بە حزبی سیاسی رادیكاڵ و شۆڕشگێڕە، بە حزبێك كە سەركردایەتی و رێكخستنی خەباتی سیاسی و چینایەتی بكا و ئامادەبێ ئامرازەكانی هێز و تاكتیكە خەباتكارانە جیاجیاكانی وەك مانگرتن و نارەزایی جەماوەری و ئاكسیۆن و رێكخستنی خەباتی چەكداری جەماوەری و …هتد بەدەستەوەبگرێ. كۆمەڵگەی ئێران، چینی كرێكار و بزووتنەوەی ئازادیخواز و یەكسانیخواز پێویستی بە حزب و رێبەرانێكە كە لە گۆڕەپانەكەدا بن و لە پەیوەندی نزیك و بەردەوام لەگەڵ كۆمەڵگا بن، بە حزبێكی كۆمۆنیستی شەفاف و ملیتانت و چالاك لە ناو دڵی خەباتی كرێكاران و ئامادە لە بزووتنەوە نارەزاییەكانی كۆمەڵگا و بە حزبێك كە بە جێگەی داتاشینی تیوەری پێچەوانە و لێكدانەوە و پرتە و بۆڵە و سپاردنی كاتی ڕاپەرین بە دواتر، بە كردەوە بە مەبەستی كۆتایهێنان بەم ئاڵۆزی و سەرلێشێواوییە هەنگاو هەڵبگرێ و بێتە ناو جەرگەی خەباتەوه.
ئەم حزبە حزبێك دەبێ كە بێگومان و بێ رارایی بە مەبەستی سەركەوتن و پارێزگاریكردن لە دەسكەوتەكانی خەبات و سیاسەت و پارێزگاریكردن لە ئاسایشی كۆمەڵگا و روخاندنی تەواوی دەسەڵاتی رژێم ئامادە دەبێ و بۆ بڕینی دەستی سەرجەمی كانگێستێر و مافیا چەكدارەكانی دژی خەلکی لە پرۆسەی روخانی رژێم و ئەگەری دروستبوونی سیناریۆی رەش، كۆمەڵگا و حزب بۆ بەرپەرچدانەوەی مەترسییەكان و پارزێگاریكردن لە دەسکەوتەکانی خەبات وشارستانیەتی كۆمەڵگا ئامادە دەكا و لەم ئاراستەدا گەنجان و خەڵكی ئازادیخوازی رێكخراوو بەیەکەوه جۆش دەدا. لە رەوتی خەبات بۆ روخانی رژێم و روبەروبوونەوە لەگەڵ هێزەكانی سناریۆی رەش دا رێكخستنی بەرەنگاری چەكدارانە مافی رەوا و پێویستی بزووتنەوە و حزبی چینی كرێكارە.
ئەم حزبە بۆ روخانی كۆماری ئیسلامی و دامەزراندنی سیستەمی سیاسی گرێدراو بە شۆرا كرێكاری جه ماوه ری و سۆسیالیستی و هەڵوەشاندنەوەی موڵكایەتی تایبەت و چەوسانەوەی کاری كرێگرتە لە ئێران خەبات ئەكا. ئەم حزبە حزبی چینی كرێكار وڕابەرانی سۆسیالیستی ئەم چینە و حزبی رزگاركردنی ژن لە سەرجەمی نایەكسانییەكان و لەگۆڕنانی هه ڵاواردنی جنسیه. حزبی ڵاوانی شۆرشگێرو نەسڵی نۆی وئامانجە ئازادیخواز و سۆسیالیستییەكانی ئەوانه و حزبی كۆتاییهێنان بە ستەمی نەتەوایتی و هەرچەشنه ستەم وچەوساندنەوە ولە كۆمەڵگایە.
ئەو حزبەی كە بڕیارە درووست بكرێ، لە باری رێكخراوەیی و پەیوەندییە ناوخۆییەكانیەوە جیاوازی تەواوی لە گەڵ حزبە چەپەكانیتر هەیە. لەهەمانكاتدا كە لە دەوری كۆڵەكەی پەسندكراو و بڕیارە بە كۆمەڵ و كۆلكتیڤەكان و دامەزراوە هەڵبژێردراوەكان كۆدەبێتەوە، دەبێ حزبێكی تەواو رێك و پێك و بەدیسپلین و پتەو و جدیش بێ. هاوكات دەبێ لە سەرجەمی ئاستەكاندا ئازادی بێ ئەملاوئەولای رادەربڕین و رەخنەگرتن گەرەنتی ولایه نگری بكات. پێكهێنانی زەخت وزۆرو خولقاندن و زاڵ کردنی کەژ و هەوای سەركوت بە هەموو شێوازێك و لەدژی رەخنەگران و كەمایەتی ناو حزب بە تاوان لەقەڵەم دەدرێ.
ئێمە واژۆكەرانی ئەم نووسراوە بانگەواز ی سه رجه م خەباتكارانی رێگای ئازادی و یەكسانی، ژنان و پیاوان و ڵاوانی خەباتکارو شۆرشگێر و سۆسیالیست و سەرجەم كۆمۆنیستەكان، گرووپ و هێزە ئازادیخوازەكان و لایەنگرانی روخاندنی رژێمی کۆماری ئیسڵامی دەکەین و داواکارین پشتگیری و هاریکاریمان بکەن.
مەرگ و نەمان بۆ كۆماری ئیسلامی ئێران!
بژی سۆسیالیزم!
بژی ئازادی و بەرابەری!
واژۆکەران :
– ابراهیم الف (اصغرنیا)
2- ابراهیم باتمانی
3- احمد سلطانی
4- ادیب پوردیبا
5- آذر کیمیا
6- اردشیر اصفهانی
7- آرینا شیردل
8- اقبال کاکاون
9- امید نسیمی
10- بابک باجلانی
11- بهروز آزادپور
12- پروین حسن پژوه
13- جلال محمدی
14- حسن بقائیان
15- دانیال عبادی
16- رحمت فاتحی
17- رُزا کریمی
18- رُزا ناصری
19- رزگار هاتفیان
20- رضا دانش
21- رضا ساعی
22- رضا شتابی کیا
23- روزبه همه وندی
24- ریبوار تبریزی
25- رئوف افسائی
26- ژوبین مردوخی
27- ژیار سلیمانی
28- ژیان بهارلو
29- ساغر رهام زند
30- سلام زیجی
31- شاهین ابراهیمی
32- شاهین معماریان
33- صحرا صالحی
34- شیرین اعتماد
35- عباس خسروی
36- عزیز آجیکند(ئاله کی)
37- عزیز عبداله پور
38- فخره صادقی
39- فرشته بهاری
40- فرهاد امیری
41- کارو افشانی
42- کارو جفا دیده
43- کاوه شاهین پور
44- کیوان مهرآوه
45- لقمان مهری
46- مژگان آزاد منش
47- مهرداد مرادی
48- مهین لرستانی
49- میلاد ابراهیمی
50- نازنین زندنیا
51- نسرین محمودی آذر
52- نیما ارژنگ
53- نینا نامی
54- هاوری شاهو
55- هشام سامی حمید
56- هلن نامی
57- هما کرامتی
58- ونوس محمدی
59- کیوان پیشبین
60- خالد هاشمی
61- عمر بوکانی
62- کامران پایدار
63- لیلا احمدی
دریژه ی هه یه…