ژمارەیەک کۆڵبەری کوردی رۆژهەڵاتى كوردستان لە ناوچه سنورييه‌كانی نێوان هەرێمی کوردستان و ئێران لەلایەن هێزەکانی پاسەوانی سنووری ئێران تەقەیان لێكرا و به‌و هۆيه‌وه دوو كۆڵبه‌ر بريندار بوون و يه‌كێكيش ده‌ستگيركرا.
ژماەیەک كۆڵبەری كورد لەسەرسنوری گوندی (دەوژان)ـی سنووری ناحیەی ئیسێوەی پشدەر سەرلەبەیانی ئەمڕۆ لەلایەن سوپای پاسداران تەقەیان لێکراوە و و دووكۆڵبەر برینداركراون.
بریندارەکان بۆچارەسەر گەيه‌ندراونەتە نەخۆشخانەی شەهیدانی قەڵادزێ و ئێستا لەژێرچاوديريدان و باری تەندرووستیان جێگیرە.
كۆڵبەرێكی ديكەش هەر لەو سنوورە دەستگیركراوه و دواتر ره‌وانه‌ى فەرمانداری سەردەشت کراوه.
ئه‌و كۆڵبه‌رانه خه‌ڵكى شاری سەقزن.
