یەحیا رەحیم سەفەوی راوێژکار و یاریدەدەری عەلی خامنەیی، بۆ کاروباری سەربازی رایگه یاند، ئەگەرکوردستانی عێراق سەربەخۆی رابگەیێنێت، شەڕێکی درێژخایەن ئەو ناوچەیە دەگرێتەوە و به م روداوه ش مه ترسی گه وره ڵه ناوچه که دروس ده بێ.یەحیا رەحیم سەفەوی لە کۆبوونەوەیەکدا لە شاری سنە رەخنەی لە بڕیاری ئەنجامدانی گشتپرسیی باشووری کوردستان بۆ سەربەخۆیی گرت و گوتی: “خەریکە پیلانێکی نوێ لە عێراق و سووریا جێبەجێ دەکرێت، ئەمریکا و بەریتانیا و ئیسرائیل دەیانەوێ ئەو وڵاتانە دابەش بکەن”.
بەگوتەی سەفەوی، جیابوونەوەی کوردستان لە عێراق دەبێتە هۆی سەرهەڵدانی شەڕ و نائارامی درێژخایەن لەو ناوچەیە. ئهی و ڵه درێژه دا وتی “یەکەم کەس کە زیان لەو شەڕە دەکات کوردی عێراقن”.
یاریدەدەری رێبەری کۆماری ئیسلامیی ئێران بۆ کاروباری سەربازی لە کۆبوونەوەکەی سنەدا کە شەوی رابردوو 7-9-2017 ئەنجامیدا، جەختی لەوەش کردەوە کە سەربەخۆبوونی باشووری کوردستان بە مەترسی بۆ سەر ئێران و عێراق دەزانن.
ئێران هەر لە سەرەتاوە دژایەتی بۆ گشتپرسیی کوردستانی عێراق راگەیاندووە، پێشتریش مەسعود بارزانی، سەرۆکی هەرێمی کوردستان رایگەیاندبوو: “گشتپرسی بابەتێکی نێوخۆییە و رێگەنادەن ئێران دەست لە کاروباری نێوخۆی باشووری کوردستان وەربدات”.
