لە قەزای سۆران ئەندامێکی حیزبی دیموکراتی کوردستانی ئێران تەقەی لێدەکرێت، کەسوکارەکەی دەڵێت، هێرشی چەکداری کراوەتەسەر و دەستبەجێ گیانی لەدەستداوە.یەکێک لە ئەندامانی حیزبی دیموکراتی کوردستانی ئێران (حدکا) ڕایگه یاند که کاتژمێر 6:00 ی بەرەبەیانی رۆژی هەینی ٣٠/٠٣/٢٠١٨ هێرش دەکرێتە سەر ئەندامێکی حیزبی دیموکراتی کوردستانی ئێران بەناوی ئەحمەد میر ئەحمەدی ناسراو بە (ئەحمەد ئێرانی) و دەستبەجێ گیان لەدەستدەدات.
ئەو ئەندامەی حیزبی دیموکراتی کوردستانی ئێران (حدکا)، نزیکە لە بنەماڵەی ئەحمەد ئێرانی دەشڵێت: ” ئەحمەد ئێرانی خەڵکی نەغەدەیە لە رۆژهەڵاتی کوردستان و دانیشتووی شارۆچکەی دارەتووە لە هەولێر، ئەو بەسەردان چووەتە سۆران و لەوێ هێرشی چەکداری کراوەتە سەر و گیانی لەدەستداوە”.
ئەحمەد میر ئەحمەدی لە ساڵی 1964 لە دایکبووە، بەگوتەی کەسوکارەکەی 40 ساڵ ئەندامی حیزبی دیموکراتی کوردستانی ئێران (حدکا) بووە و سێ جار لەلایەن کۆماری ئیسلامی ئێرانەوە زیندانی کراوە.
