“ئەنجومەنی فەرهەنگی ــ هونەریی ڤەژین”، لە ڕاگەیەندراوێکدا نیگەرانیی خۆی لەئاست لەناوبردنی دارستانەکانی زاگرۆس دەربڕی.
له بهشێك لەم ڕاگەیەندراوەدا هاتووه: “هەمووان باش دەزانن کە ماوەیەکی زۆرە دارستانە بێوێنەکانی شاری مەریوان به شێوەی سیستماتیک و باوەڕپێنەکراو لە لایەن هەندێک کەسی هەڵهپەرەست و مافیای دارەوە، کەوتوونەتە بەر تاڵانکردن و لەناوچوونەوە. ئەم جەنایەتە بێوێنەیە لەگەڵ دارستانەکان و زەوییەکاندا، بەوپەڕی خەمساردییەوە و لە سێبەری بێدەنگیی گوماناوی ئیدارە و ڕێکخراوە بەرپرسەکاندا بووەتە کارێکی ئاسایی. “ئەنجومەنی فەرهەنگی ـــ هونەریی ڤەژین”، لەم ڕاگەیەندراوەدا ههروهها ڕایگهیاندووه: ئێمە لێبڕاوانە بڕیارمان داوە، لە بەرانبەر ئەم جەنایەتەدا به کەڵک وەرگرتن لە بژاردەی یاسایی و هەنگاوی بنەڕەتی و زانستی چالاکی بکەین و بێگومان، ئیتر بێدەنگی بۆ خۆمان بە ڕەوا نازانین و هاوتەریب لەگەڵ ئەم ڕاگەیەندراوە بیر له بژاردەی یاسایی و زانستیی گونجاو بۆ ئەم پرسە دەکەینەوە.
