مانگی ڕابردوو لە رۆژهەڵاتی كوردستان، ٥٨ كه س دەستگیركراون لەلایەن هێزە ئەمنیەكانی حكومەتی ئێرانەوە كە ٨٤ %ی ئەو كەسانەی دەستگیركراون تۆمەتی چالاكی سیاسی دراوەتە پاڵیان.بەگوێرەی ئامارە تۆماركراوەكانی رێكخراوی مافی مرۆڤی هەنگاو، لە مانگی ئابی ٢٠١٨ لانیكەم، ٥٨ هاوڵاتی كورد لەلایەن هێزە ئەمنیەكانی ئەو وڵاتەوە دەستگیركراون.
هەر بە گوێرەی ئامارەكانی ئەو رێكخراوە، ٤٩ كەس لەو گیراوانە كە ٨٤ ٪ لە گیراوان بە تۆمەتی چالاكی سیاسی دەستگیركراون و ئەوەش روندەكاتەوە، زۆرترین ئەو كەسانەی دەستگیر كراون بە پلەی یەكەم لە شاری سنە بووە كە ٢١حاڵەتی دەستگیركردن تێیدا تۆمار كراوە.
راپۆرتەكە ئاماژە بەوەش دەكات، لەپاش سنه پارێزگای ورمێ لە پلەی دووەم دایە بە دەسگیركردنی ٢٠ كەس و كرماشانیش لە پلەی سێهەمدایە كە ١٥ كەس لەماوەی مانگی ڕابردوودا دەستگیركراون.
لە ئاماری ماڵپەڕەكەی مافی مرۆڤدا ئەوەش خراوەتە رڕوو، دوو كەس لەو دەستگیركراوانە ژنن و ٥٦ كەسیان پیاو بوون.
